Stjórnarmyndun án VG?

VG eru vart stjórntækir. Flokkurinn er fínn í stjórnarandstöðu, enda hafa þingmenn flokksins mikla æfingu í því hlutverki eftir að hafa ekki gert annað frá stofnun flokksins. Það er hægt að vera heilagur og standa á öllum prinsippunum í stjórnarandstöðu. Ef VG ætlar í stjórn verður flokkurinn að skilja að það verður að gera málamiðlanir. Ef ummæli Atla Gíslasonar um að hann muni ekki styðja stjórn sem sækir um aðild að ESB endurspeglar vilja VG er flokkurinn ekki stjórntækur. Höfuðverkefni Samfylkingar í stjórnarsamstarfi nú er að skilgreina samningsmarkmið og hefja aðildarviðræður við ESB. Þetta er lykilatriði fyrir endurreisn íslensks efnahagslífs. Þetta er líka lykilatriði fyrir nýtt Ísland, þar sem gömlu valdaklíkunum verður skákað útí horn. Gamla Ísland keyrði allt í klessu, við verðum að fara aðra leið núna. ESB aðild er lykilatriði. Það er ekki hægt að mynda stjórn með VG ef flokkurinn vinnur gegn þessu markmiði. Þá ætti frekar að ræða við Framsóknarflokkinn og O-listann...?

Enn ósætti um ESB-málið

Athugasemdir

[Gunnlaugur Ingvarsson (IP-tala skráð) 28.4.2009 kl. 09:24]

Það hlítur líka að teljast réttmæt skoðun að vera gegn ESB aðild Íslands.

Þessi ESB rétt-trúnaður er með ólíkindum.

Vafalaust endar það svo að við munum verða að kjósa um ESB aðild í þjóðaratkvæa greiðslu. Vegna þess að annars er enginn vinnufriður í þessu landi fyrir þessum ESB sértrúarsöfnuði.

Þá skal ég heita þér því að aðild Íslands að ESB verður kolfelld.

Um hvað ætla ESB rétt-trúnaðarsinnar að ræða þá.

Kanski veðrið ?

[Ólafur Ingólfsson, 28.4.2009 kl. 09:29]

Sæll Gunnlaugur, ég er alveg sáttur við að haldin verði þjóðaratkvæðagreiðsla um niðurstöður aðildarviðræðna. Þar erum við sammála. Verði aðild felld, mun ég una við það. Ég er hins vegar ekki viss um að þú hafir rétt fyrir þér að ESB aðild verði kolfelld.

[Ingimundur Bergmann, 28.4.2009 kl. 18:44]

Af einhverjum ástæðum er VG svona mikið á móti því að látið verði á vilja þjóðarinnar reyna

[Hjálmtýr V Heiðdal, 28.4.2009 kl. 20:52]

Það er ekki gott fyrir flokk sem vildi fá þjóðaratkvæðagreiðslu um Kárahnjúkavirkjun og er almennt hlyntur auknu lýðræði að vara á móti því að þjóðin segi sitt álit á aðild.

VG verður að gefa eftir og leyfa eðlilega afgreiðslu gegnum aðildarviðræður, umræður og fræðslu og svo þjóðaratkvæði.