Varðar Sjálfstæðisflokk og Framsókn um þjóðarhag?

Það veit ekki á gott þegar Sjálfstæðismenn og Framsókn plotta. Þetta eru tveir flokkar sérhagsmuna, einkavinavæðingar, brasks og spillingar. Það var svo kölluð ráðherranefnd (Davíð Oddsson, Geir Haarde, Halldór Ásgrímsson og Valgerður Sverrisdóttir) sem einkavinavæddi bankana og sáði fræum hrunsins sem við glímum við í dag. Tilraunir þessara afla til að færa orkufyrirtæki landsins í hendur "útrásarvíkinga" voru sem betur fer stöðvaðar. Þessir flokkar eru sjálfsagt meðal spilltustu stjórnmálaafla á Vesturlöndum, og þó víðar væri leitað. Það er enginn eðlismunur á hegðun Roberts Mugabes í Simbabwe og Davíðs Oddssonar á Íslandi. Báðir eru valdasjúkir og veruleikafirrtir hrokagikkir sem svífast einskis. Báðir hygla vinaklíkunni. Hvorugur skilur að hann hafi gert eitt eða neitt rangt. Fólk ætti að fara með öllu með gát þegar Sjálfstæðisflokkur og Framsóknarflokkur fara í samkrull og reyna að selja okkur það að nú eigi að gera tillögur um ferli ESB umsóknar á grundvelli víðtækrar samstöðu. Flokkarnir eru einfaldlega ótrúverðugir, því þá hefur aldrei varðað um þjóðarhag. Þeir verða ekki trausts verðir fyrr en þeir viðurkenna að hafa stolið þjóðareigum (bönkunum, fiskinum í sjónum) og gefið vildarvinum. Réttast væri að sækja "ráðherranefndina" til saka fyrir stuld á þjóðareigum, spillingu og landráð. Við ættum aldrei að gleyma því hvað 16 ár af spillingarstjórn Sjálfstæðisflokks og Framsóknarflokks hefur kostað almenning í landinu.

Sameiginleg ESB-tillaga

Athugasemdir

[Ingimundur Bergmann, 27.5.2009 kl. 21:42]

Sagt er: Sækjast sér um líkir. Falsið og fláræðið eru aðall þessara flokka, þeir eru bestir í að svíkja og pretta, að ógleymdu því að færa eignir landsmanna í ,,réttar" hendur.  Góður pistill, Ólafur og bestu kv..