Vandræði D í hnotskurn

Kjósendur Sjálfstæðisflokks gerðu tilraun til að refsa Guðlaugi Þór fyrir samkrull hans við græðgisöfl og vildarvini með því að strika hann út af lista flokksins. Þarna eru vandamál D í hnotskurn. Þó ef til vill megi segja að Guðlaugur Þór hafi verið staðinn að verki í Orkuveitumálinu, þar sem hann annars vegar greiddi götu einkavinanna og hins vegar hafði forgöngu um að seilst væri í vasa þeirra eftir milljónaframlögum flokknum til handa, eru margir aðrir forystumenn D með svipuð lík í lestinni. Íllugi Gunnarsson hefur enn sem er komist hjá því að farið væri ofaní saumana á fjármálavafstri hans í kringum bankahrunið, en það gæti komið að því að hann þyrfti að svara erfiðum spurningum þegar rannsókninni á fjármálahruninu vindur fram. Árni Matthiesen var líka umsvifamikill á þeim sama fjármálamarkaði og hann sem fjármálaráðherra hafði öll tækifæri til að hafa áhrif á. Kjósendur refsuðu D grimmilega fyrir einkavinavæðinguna og spillinguna sem þrifist hefur kringum flokkinn. Sennilega eru ekki öll kurl komin til grafar, og kreppa D á eftir að dýpka... 

Guðlaugur Þór niður um sæti

Athugasemdir

[Ingimundur Bergmann, 1.5.2009 kl. 15:44]

Sæll Ólafur

Já, þeir gerðu tilraun til þess, en hvers vegna? Hvað er öðruvísi við hann en hina sukkmeistarana í FLokknum. Drengurinn með bláa blóðið var að fá verðlaun frá N1, 4.800.000 kr. fyrir vel unnin störf. Honum og félögum hafði sem sé tekist að tapa ellefu hundruð milljónum á síðasta ári, ekki svo slæmur árangur það!

Pössuðu vel uppá að halda þessu leyndu fram yfir kosningar.