Hvernig væri að treysta fólki?

Andstæðingar aðildarviðræðna við ESB eiga það sammerkt að þeir treysta ekki landsmönnum til að greiða atkvæði um niðurstöður aðildarviðræðna, sjálfsagt af ótta við að fólk hafnaði sérhagsmunum útegrðarauðvaldsins og einokunnarmafíunnar á Íslandi. Forræðishyggjan, þar sem Sjálfstæðisflokkur veit alltaf best hvað er landsmönnum fyrir bestu, kemur hvergi betur fram en í afstöðu flokksins til ESB. Þar er vaðið áfram með yfirlýsingar um að stefna ESB henti ekki Íslandi og að hagsmunum Íslands sé betur borgið utan ESB - en það hefur ekki farið fram nein umræða eða kynning á því hvað muni gilda við ESB aðild. Hvers vegna þessi hræðsla við að kanna í gegnum aðildarviðræður hvað ESB aðild gæti þýtt fyrir okkur? Hvers vegna þessi hræðsla við að treysta fólki til að kjósa um niðurstöður aðildarviðræðna? Sjálfstæðisflokurinn og einkavinavæðing bankanna hefur komið Íslandi á kaldan klaka. Var það Íslandi fyrir bestu? Veit Sjálfstæðisflokkurinn hvað Íslandi er fyrir bestu? Hefur þann flokk einhvern tímann varðað um þjóðarhag? Sjálfstæðisflokkurinn veit vel hvað bröskurum og spekúlöntum er fyrir bestu, enda hefur hann gætt hagsmuna þeirra um árabil. Hagsmunir þeirra fara ekki saman við þjóðarhag. Það ætti hrunið að sýna okkur, ef ekki annað.  

Vill sátt flokka um næstu skref í ESB málinu

Athugasemdir

[Finnur Bárðarson, 11.3.2009 kl. 15:41]

Satt segir þú ég hef aldrei skilið af hverju það má ekki skoða málið. Þegar sumir heyra orðið ESB ganga þeir bókstaflega af göflunum. Er þetta ekki bara einhver útlendingafóbía sem hefur ekkert með skynsemi eða hagsmuni að gera.