Lítill sparnaður af launalækkun

Vandræðagangur ríkisstjórnarinnar við að koma saman sparnaðartillögum stafar sennilega af því að ílla gengur að ná endum saman án þess að hækka verulega skatta á meðalmanninum. Það er hægt að lækka laun þeirra sem eru með laun yfir 1 milljón á mánuði, en við það sparast ekki nema brotabrot af því fjárlagagati sem þarf að stoppa í. Rætt hefur verið um 8% tekjuskattshækkun á þá sem þéna yfir 700 þúsund í mánaðarlaun. Þar er sama vandamálið, skattahækkanir á þennan hóp duga skammt því í íslenska láglaunasamfélaginu eru þetta tiltölulega fáir einstaklingar. Til að ná árangri verður að hækka skatt á breiðu bökunum, öllum sem eru með yfir 400-500 þúsund krónur í mánaðarlaun, annars dugar aðgerðin ekki. Ef ríkisstjórnin gerir það, verður allt vitlaust, því íslendingar "vilja ekki borga skuldir óreiðumanna".

Hér gæti ríkisstjórnin lært af reynslu svía frá kreppunni þar fyrir 15 árum. Þar var settur 5% viðlagaskattur á öll laun yfir meðallaunum. Aðgerðin var til 5 ára, og heppnaðist vel. Við verðum að horfast í augu við það að það eru engin sársaukalaus ráð eða aðgerðir til að taka á aðsteðjandi vanda. Að stinga hausnum í sandinn og neita að borga gerir vandann bara stærri. Því miður. Svo verður að læra af reynslunni, og koma í veg fyrir að einkavinaklíka græðgisafla Sjálfstæðis- og Framsóknarflokka komist hér til valda á nýjan leik.

„Ekki einfalt að lækka laun ríkisstarfsmanna"

Athugasemdir

[Héðinn Björnsson, 15.6.2009 kl. 09:39]

Ég held að tímabundin skattahækkun gæti verið þjóðráð til að ná sáttum um skattstigið. Er samt viss um að tilraunir ríkisstjórnarinnar til að fara fyrst í að skera niður á toppinum er forsenda þess að hægt sé að ná sátt í skattstiginu og um niðurskurð. Enganveigin nægjanlegt en klárlega forsenda.

[Maelstrom, 15.6.2009 kl. 10:17]

Hvaða endemisrugl er það að forsætisráðherra sé með 900þ í mánaðarlaun?  Hvað er hann í mörgum nefndum sem hann fær sérstaklega borgað fyrir.  Hvað með einkabílstjórann og bílinn sem má nota í hvað sem er?

Hvað með lífeyrisréttindi sem eru betri en hjá öllum öðrum?  Hvað þarf forsætisráðherra að starfa lengi til að fá 100% lífeyri?  Hvað þurfa aðrir ríkisstarfsmenn að starfa lengi til að fá sömu réttindi?

Hvað með djöfulsins landsbyggðastyrkina til að borga af húsnæði út á landi?  Notar Steingrímur J ekki þann styrk til að borga af húsnæði foreldra sinna?  Hversu margir ríkisstarfsmenn hafa þann helvítis styrk?

Hvað með ferðastyrkina til að þeir geti talað við kjósendur sína "úti á landi"?  Hvað með 400m á ári sem 63 þingmenn (þingflokkarnir) skipta á milli sín til kynningamála?

Þetta er bara djöfulsins hræsni og fávitaskapur.  Þessi 900þ eru bara toppurinn á ísjakanum.  Það sem þetta gerir er að það lækka allir í launum og fá í staðinn borgaða óunna yfirvinnu, bílastyrki, blaðastyrki, símastyrki, menntastyrki og hvað veit maður.  Hæstlaunaðasti ríkisstarfsmaðurinn endar með sömu laun og hann er með núna nema hvað launakerfi ríkisins verður svo ógagnsætt og viðbjóðslegt að ég get ekki einu sinni lýst því.  Það er verið að bjóða upp á spillingu dauðans með þessu rugli.

Mæli frekar með að styrkjakerfi ríkisins verði lagt niður og menn fái bara borguð laun fyrir vinnu sína og borgi sinn kostnað sjálfir.  Þá fá menn að sjá að forsætisráðherra er með mun meira en 900þ. í laun.