Hvernig axla Sjálfstæðismenn ábyrgð?

Stórstyrkjamálið hefur sýnt að leiðtogar Sjálfstæðisflokksins hafa ekki hugmynd um hvað felst í því að axla ábyrgð. Þeir halda að ef fyrrverandi formaður tekur á sig sökina fyrir að hafa tekið á móti peningunum, og svo eru taldir til einhverjir tveir hlaupastrákar sem betluðu peningana að sögn frá FL og Landsbankanum - já, þá hafi flokkurinn axlað ábyrgð, málið sé út af borðinu, og nú förum við kosningabaráttu. Jú, svo mætti Samfylkingin gera upp sín mál líka. Þetta er með þvílíkum ólíkindum að maður trúir því vart. Málinu er ekki lokið fyrr en ljóst er hvort hér er um mútugreiðslur að ræða eða ekki. Voru FL-Group og LÍ að greiða fyrir pólitíska fyrirgreiðslu þegar fyrirtækin sóttu inná orkumarkaðinn? Er hægt að kaupa fyrirgreiðslu Sjálfstæðisflokksins? Kostar slík fyrirgreiðsla 25-30 milljónir? Ég óska Sjálfstæðismönnum gleðilegrar kosningabaráttu!

„Augljós mistök“

Athugasemdir

[Jens Guð, 13.4.2009 kl. 00:11]

  Kæri vinur og fyrrum vinnufélagi,  það er kostulegt að fylgjast með farsanum í Valhöll.  Menn ljúga út og suður.  Ganga út frá því sem vísu að fólk sé fífl:

  -  Kjartan Gunnarsson segist koma af fjöllum og kannast ekki við neitt.  Þó var hann prókúruhafi FL-okksins.

  - Andri,  arftaki Kjartans kannast ekki við neitt.  Kemur af fjöllum.

  - Guðlaugur Þór kannast ekki við neitt.  Kemur af fjöllum.

  - Geir rís upp af sjúkrabeði í Hollandi og segist einn hafa afgreitt mútuféð frá FL-Group án þess að nokkur annar vissi.

  - Nokkru síðar rís Geir aftur upp af sjúkrabeði í Hollandi og segist einn hafa afgreitt mútufé frá Landsbankanum.

  - Bjarni Ben semur við Andra um að segja af sér þó Andri hafi hvergi komið nærri.  Þetta kallast að tekið sé á málum og málið dautt.

  - Bjarni Ben segir Kjartan hafa vitað af mútugreiðslunum.

  - Upplýst er að endurskoðandi FL-okksins hafi gert athugasemd við mútugreiðslurnar á fundi með Kjartani.

  - Kjartan hefur aldrei svarað afdráttarlaust en svarar öllum spurningum eins og páfagaukur með því að endurtaka í sífellu að hann hafi ekki haft frumkvæði að mútugreiðslum. 

  - Guðlaugur Þór kannast við að hafa fengið menn til verksins. 

  - Guðlaugur Þór kannast við að hafa margrætt við Sigurjón Þ.  Árnason hjá Landsbankanum um styrki.  En man ekki hvernig þau samtöl voru orðrétt. 

  - Stjórnarmaður í FL-Group,  varaformaður,  kannast við að hafa setið beggja vegna borðs og afgreitt 30 milljón króna mútugreiðslur til Sjálfstæðis-FL-okksins sem sjálftöku án aðkomu annarra.

  - Lykilmaður hjá Landsbankanum kannast við að hafa leikið sama leik.

  - Í kjölfar mútugreiðslanna leiddi Sjálfstæðis-FL-okkurinn FL-Group að undarlegum samningum á milli REI og GGE.

  Áfram má telja.  Þetta er sagan endalausa.