Ólafur Ingólfsson

14.1.2009 | 12:55

Íllvirki og fjöldamorð

Mann setur hljóðan yfir hörmungunum á Gaza. Ísraelsmenn segjast ráðast gegn skæruliðum Hamas, en þeir eru að sprengja gjörvallt samfélagið sundur og saman. Ráðist er á skóla, íþróttamiðstöðvar, heilsugæslustöðvar, vatnsveitur, sjúkrabíla. Fyrir hvern Hamasliða sem þeir kunna að fella, drepa þeir tugi óbreyttra borgara, börn jafnt sem gamalmenni. Umheimurinn horfir á, því stuðningur Bandaríkjanna við Ísrael kemur í veg fyrir að öryggisráðið samþykki bindandi ályktanir. Ísland ætti að hafa frumkvæði að því að morðingjarnir verði dregnir fyrir stríðsglæpadómstól.

	Þrír þekktir palestínskir knattspyrnumenn fallnir
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Skyldu þeir hafa verið að æfa sprengjuspark?

Hörður Einarsson, 14.1.2009 kl. 12:59

Gálgahúmor getur verið vel til fundinn, en athugasemd Harðar er sorgleg. Málið er alvarlegra en svo að þetta sé viðeigandi.

Ólafur Ingólfsson, 14.1.2009 kl. 13:06

Tek undir með þér Óli. Þetta eru orð í tíma töluð.

Það er spurning hvort ekki sé ráð hjá þér að fá Haskólasamfélagið til að bregðast við (svo sem félag háskólakennara) og semja ályktun gegn framferði Ísraela. Allt hjálpar til við að koma í veg fyrir frekari fjöldamorð og stríðsglæpi - og setur aukna pressu á íslensk stjórnvöld um að beita sér í málinu.

Torfi Kristján Stefánsson, 14.1.2009 kl. 13:21