Hættur á moggablogginu

Eigendur Morgunblaðsins fórnuðu trúverðugleika blaðsins með þeim gjörningi að gera Davíð Oddsson að ritstjóra. Þeir velja að gera blaðið að varnarvettvangi sérhagsmuna í sjávarútvegi og Evrópumálum. Ég hef sagt upp áskrift að blaðinu og mun ekki lesa netútgáfu þess. Því er sjálfhætt að blogga á þessum vettvangi.

Athugasemdir

[Snati (IP-tala skráð) 5.11.2009 kl. 14:56]

Mjög skiljanleg ákvörðun. Eru ekki bara einhverjir íhaldsdindlar eftir á þessu bloggi? Einn bloggari fór í gær og þú í dag. Mér sýnist margir vinstri menn vera orðnir dauðþreyttir á ástandinu hér á Mbl.is

[Óskar Helgi Helgason (IP-tala skráð) 5.11.2009 kl. 14:58]

Heill og sæll; Ólafur !

Verð að játa; að mér ógnar - sá atgerfis flutningur, góðra skrifara, héðan af vefnum, svo sannarlega.

Í gær; tilkynnti hinn mæti Ísfirzki Grindvíkungur, Björn Birgisson, hver; oftast, hefir verið á öndverðum meiði, við mig, um sömu ákvörðun sína, sem þú nú úthrópar, frá þínum bæjardurum.

Ég; aftur á móti, er einn þeirra þvergirðinga, sem held mínu striki - þrátt; fyrir tilkomu Sunn- Mýlzka smámennisins, Davíðs þessa Oddssonar, á ritstjóra stól, að Hádegis móum.

Get einfaldlega ekki; gert þeim Rauðvetningum það til geðs, að hverfa í brottu, með mína síðu - þér; að segja.

Megi þér; farnast vel, á nýjum brautum, í spjallheimum, Ólafur minn.

Með beztu kveðjum; úr Árnesþingi /

Óskar Helgi Helgason 

[Finnur Bárðarson, 5.11.2009 kl. 15:04]

Mjög dapurt, ég er að geispa golunni sjálfur (telst varla atgerfisflótti) en Óskar er enn og heldur upp dampinum

[Svanur Gísli Þorkelsson, 5.11.2009 kl. 15:56]

Mig langar að benda fólki sem er að hugsa sér til hreyfings á Bloggheimar.is sem er opið bloggsvæði sem reyndar enn er í smíðum en verður fullklárað innan skamms.

[Arnar Pálsson, 8.11.2009 kl. 15:22]

Takk Óli fyrir góða pistla og hugmyndir.

Ég virði ákvörðun þín og röksemdir. Ég hef afráðið að sitja þetta af mér, allavega til áramóta.